İranda əhalinin narazılığı artır
14.05.2022 11:57
İranda ərzaq məhsullarının qiymətinin bahalaşması və ərzaq qıtlığının yaranması ilə əlaqədar keçirilən etiraz aksiyaları davam edir. Bu aksiyalar demək olar ki, ölkənin bütün əyalətlərini əhatə edib.
Sosial mediada yayılan videolarda təhlükəsizlik qüvvələrinin hökumət əleyhinə şüarlar səsləndirən nümayişçilərə qarşı gözyaşardıcı qazdan istifadə etdiyi, ivətəndaşlara qarşı atəş açdığı görünür.
Dövlət televiziyası ilə çıxış edən daxili işlər naziri Əhməd Vahidi nümayişlərin genişmiqyaslı olmadığını deyib.
İranın dövlət xəbər agentliyi İRNA-nın məlumatına görə, ölkəni zəruri ərzaq məhsulları ilə təmin etmək üçün son bir ildə 900 trilyon tümən (sərbəst bazar məzənnəsi ilə təxminən 30 milyard dollar) subsidiya ayrıldığını deyib.
İran prezidenti İbrahim Rəisi mayın 9-da iqtisadi böhranla əlaqədar bu subsidiyaların ayrılmasının dayandırıldığını bildirib. Nəticədə İranda ərzaq məhsullarının qiyməti bahalaşıb.
Rəisi açıqlamasında İranda ənənəvi çörəyin, dərman və benzinin qiymətlərinin dəyişməyəcəyini bildirib. Buna baxmayaraq, yerli mətbuatda çörəyin qiymətinin 3 dəfə bahalaşdığı bildirilir. Ölkədə yağ, yumurta və toyuq ətinin qiyməti demək olar ki, 4 dəfə artıb, bəzi qidalarla bağlı qıtlıq yaranıb.
İRNA-nın məlumatına görə, ötən gecə Dezful şəhərində 15 nəfər, Yasuk şəhərində isə 7 nəfər saxlanılıb.
Nümayişlərin keçirildiyi şəhərlərdə internetə çıxış məhdudlaşdırılıb. Qlobal internetə çıxışı izləyən və baş qərargahı Londonda yerləşən Netblock Tvitter hesabında İranda internet xidmətlərində məhdudiyyətlərin olduğunu təsdiqləyib.
N.Təbrizli
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
