Azərbaycanla Ermənistan arasında görüş təxirə salınıb - ABŞ

 

İyunun 12-də Vaşinqtonda Ermənistan və Azərbaycan xarici işlər nazirləri arasında danışıqların yeni raundu icra olunacaqdı. 

"Tərəflər Cənubi Qafqaz regionunda dinc dialoqa davam etdikcə biz Vaşinqtonda danışıqların növbəti raundunu gözləyirik. Hesab edirik ki, birbaşa dialoq qalan məsələlərin həlli üçün açardır. Razılaşmanın əldə olunacağına inanırıq. Təəssüf ki, bu görüş planlaşdırma məsələlərinə görə alınmadı və mümkün qədər tez bir zamanda görüşün olmasını səbirsizliklə gözləyirik”, - Dövlət Departamentinin sözçüsü brifində jurnalistlərə bildirib.

 

Bundan əvvəl, Ermənistan xarici işlər nazirinin mətbuat katibi Ani Baldayan mətbuata açıqlama verərək Azərbaycanla Ermənistan arasında iyunun 12-də keçiriləcək görüşün təxirə salındığını açıqlayıb. 

 

Mayın 1-4-də Vaşinqtonda Ermənistan və Azərbaycanın xarici işlər nazirləri Ararat Mirzoyan və Ceyhun Bayramov arasında danışıqlar olub. ABŞ dövlət katibi Entoni Blinkenin iştirakı ilə regional təhlükəsizlik və sabitlik məsələləri də müzakirə olunub.