Azərbaycanın hərbi potensialı qiymətləndirildi - REYTİNQ

GlobalFirePower ölkələrinin hərbi potensial reytinqi elan edildi. Bu siyahıya müvafiq olaraq ABŞ birinci, Rusiya ikinci, Çin üçüncü yeri tutub. 2014-cü il 13 fevrala olan siyahıya ümumilikdə 106 ölkə daxildir.Oxu.Az GlobalFirePower rəsmi saytına istinadən bildirir ki, GFP-reytinq siyahısını tərtib edərkən, ölkələrin hərbi potensialının 50 fərqli parametrləri nəzərə alınıb.Reytinq ABŞ müdafiə nazirliyinin rəsmi hesabatlarına, eləcə də açıq hərbi nəşr və statistik hesabatlara əsaslanır.Siyahıya daxil edilmiş 106 ölkə əsas 5 qrup üzrə qiymətləndirilir: ordunun say tərkibi, yerüstü, hava, hərbi-dəniz qüvvələrinin silah sayı, maliyyələşdirmə həcmi, coğrafi mövqe, təbii resurslar. Nüvə potensialı nəzərə alınmır.Siyahıda Azərbaycan 50-ci yeri tutub. Gürcüstan isə 64-cü yerdədir. Ermənistan isə siyahıya düşməyib.Hesabata görə, bizim ölkənin (indeks 1,5864) 544 tankı, 1864 bronetransportyoru, 499 hərbi təyyarəsi və 195 helikopteri var.ANN.Az