Bu il Ağdama 10 min əhalinin köçürülməsi planlaşdırılır

2025-ci ilin sonuna kimi Ağdam və üç kəndinə 10 minə yaxın əhalinin köçürülməsi planlaşdırılır. Bunu jurnalistlərə açıqlamasında Ağdam, Füzuli və Xocavənd rayonlarında Azərbaycan Prezidentinin xüsusi nümayəndəsi Emin Hüseynov deyib. 

O bildirib ki, gələn ilin sonuna kimi isə Ağdama 20 min əhalinin köçürülməsi nəzərdə tutulur. 

Hüseynov vurğulayıb ki, 2026-ci ilin sonuna qədər bütün layihələr tam icra olunacaq. 

Ümumilikdə Ağdamda 11 kəndin təməli qoyulub.

Prezident İlham Əliyev oktyabrın 10-da  Şuşada keçirilən İqtisadi Əməkdaşlıq Təşkilatının Nazirlər Şurasının 27-ci iclasının iştirakçılarına ünvanladığı müraciətdə bildirib ki, yaxın üç ildə Qarabağa Qayıdış proqramı çərçivəsində 100 min əhalinin azad olunmuş ərazilərə köçürülməsi nəzərdə tutulub. 

Aytac Zeynalova