Azərbaycan üzərindən Şərq-Qərb marşrutu ilə daşınan yüklərin həcmi 90 faiz artıb

Zəngəzur dəhlizi vasitəsilə yeni logistika və ticarət marşrutlarının yaradılması istiqamətində danışıqlar davam etdirilir. Bunu Azərbaycan Xarici İşlər Naziri Ceyhun Bayramov deyib.

" ABŞ və Avropa İttifaqının iştirakı ilə TRİPP marşrutu  layihəsi üzrə 42 kilometrlik enerji bağlantısının razılaşdırılması nəzərdə tutulur. Layihə icra edildikdən sonra 15 milyon ton yükün daşınması mümkün olacaq. Bu, həm Avropa İttifaqı, həm də Mərkəzi Asiya ölkələri üçün yeni iqtisadi imkanlar yaradacaq. Azərbaycan üzərindən keçən nəqliyyat yüklərinin həcmi əvvəlki illə müqayisədə 90 faiz artıb. Bu dinamika ölkənin artan tranzit potensialını və regiondakı strateji rolunu nümayiş etdirir",- nazir vurğulayıb.

Nazir əlavə edib ki, Azərbaycan və Avropa İttifaqı nümayəndələri arasında keçirilən son görüşlərdə enerji, kommunikasiya və nəqliyyat sahələrində əməkdaşlığın daha da dərinləşdirilməsi, eləcə də Ermənistan–Azərbaycan münasibətlərinin normallaşması istiqamətində görülən addımlar da müzakirə olunub.

Aytac Zeynalova