Azərbaycanda mobil telefonlara aksiz vergisi tətbiq olunur

Azərbaycanda mobil telefonlar aksiz dərəcəsinə cəlb ediləcək. Vergi Məcəlləsinə edilən dəyişikliyə əsasən, ölkəyə idxal olunan hər bir mobil cihaz üçün 20 manat aksiz vergisi tətbiq ediləcək.

Fiziki şəxslərin şəxsi istifadəsi üçün təqvim ili ərzində ölkəyə gətirdiyi 1 ədəd mobil telefon aksizdən azad olunacaq.

“Dövlət rüsumu haqqında” Qanuna edilən dəyişikliklərə görə isə fiziki şəxslər tərəfindən təqvim ili ərzində ölkəyə gətirilən 1 ədəddən artıq mobil telefonun qeydiyyatı üçün bazar qiymətindən asılı olmayaraq 100 manat dövlət rüsumu alınacaq.

Mobil cihazların qeydiyyatına görə dövlət rüsumunun illik məbləğləri müvafiq icra hakimiyyəti orqanı tərəfindən təsdiqlənəcək.

Dəyişikliklər Prezident İlham Əliyev tərəfindən təsdiqlənib.

Gülnar