Prezident Fransa ilə gərginlikdən danışdı

Prezident İlham Əliyev “France 24” telekanalına müsahibəsində Fransa ilə münasibətlərdəki gərginlikdən danışıb.

Prezident deyib ki, Fransa ilə münasibətlərdə yaranmış problemlərin kökü Bakıdan gəlməyib və əlaqələr İkinci Qarabağ müharibəsindən əvvəl çox yaxşı olub. 

Əliyev əvvəlki dövrlərdə Prezident Nikolas Sarkozi və François Hollande-nun Azərbaycana səfərləri, eləcə də onun Fransaya rəsmi səfərləri ilə iki ölkə arasında dostluq əlaqələrinin mövcud olduğunu bildirib. 

Prezident vurğulayıb ki, müharibə başladıqdan sonra Azərbaycan ərazi bütövlüyünü bərpa etməyə başlayıb, lakin Fransa hökuməti və parlamenti separatçıları dəstəkləyən qətnamələr qəbul etməklə münasibətləri gərginləşdirib. 

“Biz gərginliyin mənbəyi olmamışıq, sadəcə suverenliyimizə hörmətlə yanaşma tələb etmişik,” – Əliyev bildirib.