Ceyhun Bayramov Çavuşoğluya dəstəyini ifadə edib

Azərbaycanın xarici işlər naziri Ceyhun Bayramov Türkiyənin sabiq xarici işlər naziri, deputat Mövlud Çavuşoğlu ilə telefon danışığı apararaq onun qardaşına edilən silahlı hücumla bağlı dəstəyini ifadə edib.

Nazir bu barədə “X” sosial şəbəkəsində paylaşım edib. Bayramov bildirib ki, Çavuşoğlunun qardaşı Aydın Çavuşoğlunun ağır xəsarət alması xəbəri kədər və narahatlıqla qarşılanıb.

“Vəziyyətinin sabit olduğu bildirilən Aydın Çavuşoğluna şəfa diləyirəm. Bu çətin məqamda Çavuşoğlu ailəsinə həmrəyliyimizi ifadə edirik”,-paylaşımda qeyd olunub.

Məlumata görə, iş adamı Aydın Çavuşoğluya silahlı hücum dünən axşam saatlarında ofisində baş verib. O, əməliyyat olunaraq reanimasiyaya yerləşdirilib. Hadisə ilə bağlı əlavə detallar açıqlanmayıb.