Ərdoğan Əliyevi təbrik edib

Rəcəb Tayyib Ərdoğan İlham Əliyevə Azərbaycanın Müstəqillik Günü münasibətilə təbrik məktubu ünvanlayıb.

Məktubda Ərdoğan Azərbaycan xalqını Müstəqillik Günü münasibətilə təbrik edərək, Prezident İlham Əliyevin rəhbərliyi altında ölkənin regionda və beynəlxalq arenada nüfuzunun artdığını bildirib.

Türkiyə lideri qeyd edib ki, Ankara ilə Bakı arasında münasibətlər ümummilli lider Heydər Əliyevin “Bir millət, iki dövlət” prinsipi əsasında inkişaf edir və iki ölkə bütün sahələrdə əməkdaşlığı genişləndirməkdə davam edəcək.

Ərdoğan bildirib ki, Türkiyə və Azərbaycan arasında güclü həmrəylik və birgə layihələr regionda sülh, sabitlik və inkişafa töhfə verir.

Türkiyə Prezidenti həmçinin Türk Dövlətləri Təşkilatı çərçivəsində əməkdaşlığın güclənməsini müsbət qiymətləndirib.

Məktubun sonunda Ərdoğan İlham Əliyevə cansağlığı, Azərbaycan xalqına isə rifah və tərəqqi arzulayıb.