Kobaxidze Azərbaycan Prezidentini təbrik edib

Gürcüstanın Baş naziri İrakli Kobaxidze Azərbaycan Prezidenti İlham Əliyevə Müstəqillik Günü münasibətilə təbrik məktubu göndərib.

Məktubda deyilir:

“Zati-aliləri,

Sizi Gürcüstan hökuməti və gürcü xalqı adından Azərbaycan Respublikasının Müstəqillik Günü münasibətilə səmimi-qəlbdən təbrik edirəm.

28 May Azərbaycan xalqının müstəqillik, dövlətçilik və milli birlik iradəsini əks etdirən rəmzi və tarixi əhəmiyyətli gündür.

Gürcüstan Azərbaycanla möhkəm dostluq və strateji tərəfdaşlıq münasibətlərinə böyük önəm verir. Ölkələrimiz arasında əməkdaşlıq qarşılıqlı hörmət, mehriban qonşuluq və ortaq maraqlar əsasında müxtəlif sahələrdə uğurla inkişaf edir.

Əminəm ki, Gürcüstan və Azərbaycan arasında ənənəvi yaxın münasibətlər bundan sonra da möhkəmlənəcək, regionda sabitlik, təhlükəsizlik və rifahın möhkəmlənməsinə töhfə verəcək.

Cənab Prezident, ən yüksək ehtiramımı qəbul etməyinizi xahiş edirəm. Sizə fəaliyyətinizdə uğurlar, Azərbaycan xalqına isə sülh, tərəqqi və rifah arzulayıram”.