Prezident Trampı təbrik edib

Azərbaycan Prezidenti İlham Əliyev ABŞ Prezidenti Donald Trampa ABŞ-nin müstəqilliyinin 250 illiyi münasibətilə təbrik məktubu göndərib.

Prezident məktubunda iki ölkə arasında strateji tərəfdaşlığın inkişafını yüksək qiymətləndirdiyini, Azərbaycanın ABŞ ilə strateji tərəfdaşlıq münasibətlərinə xüsusi önəm verdiyini və bu əlaqələrin daha da genişlənəcəyinə inandığını qeyd edib.

Əliyev bildirib ki, fevral ayında imzalanmış Strateji Tərəfdaşlıq Xartiyası iqtisadiyyat, enerji, nəqliyyat, təhlükəsizlik, rəqəmsal transformasiya və süni intellekt kimi sahələrdə əməkdaşlığın inkişafına təkan verəcək.

Məktubda Azərbaycan Prezidenti ABŞ administrasiyasının Cənubi Qafqazda sülh prosesinə verdiyi dəstəyi də yüksək qiymətləndirərək, ötən ilin avqustunda Ağ Evdə keçirilmiş üçtərəfli görüşün regionda yeni siyasi vəziyyət formalaşdırdığını bildirib. Əliyevin sözlərinə görə, Azərbaycan və Ermənistan hazırda sülh şəraitində yaşayır və ticarət əlaqələri qururlar. O, həmçinin "Trampın Beynəlxalq Sülh və Rifah Marşrutu" layihəsinə ABŞ-nin dəstəyini xüsusi qeyd edib. 

İlham Əliyev məktubun sonunda Donald Trampa möhkəm cansağlığı və fəaliyyətində uğurlar, ABŞ xalqına isə sülh, rifah və firavanlıq arzulayıb.