Paşinyan Azərbaycan əsgərinin qaytarılmasından danışıb

Azərbaycan hərbçisi atəş açmasaydı, Ermənistan tərəfi onu həmin gün Azərbaycana qaytarardı. Bunu Ermənistanın Baş naziri Nikol Paşinyan bildirib.

“Əgər Azərbaycan əsgəri atəş açmasaydı, biz onu həmin gün geri qaytarardıq”, - Ermənistanın baş naziri bildirib.

O, hadisənin sülh prosesinə təhlükə yaratacağını düşünmədiyini deyib.

“Bu, artıq problemdir, amma düşünmürəm ki, bu, sülh prosesinə heç bir şəkildə təhlükə yaradacaq”, - Paşinyan qeyd edib.

Baş nazirin sözlərinə görə, hazırda sülh bərqərar olub.

Paşinyan baş verən hadisənin qiymətləndirilməməsinin tərəfdarı olmadığını, lakin Ermənistan parlamentindəki son müzakirələrdən narahat olduğunu bildirib.

O, tərəfləri adekvatlığı itirməməyə çağırıb.

Azərbaycan hərbçisi Nəsimi Musayev sentyabrın sonlarında xidmət yerini tərk etdikdən sonra Ermənistan ərazisində saxlanılıb. Ermənistan tərəfi onun Şaki kəndində bir qadına atəş açdığını iddia edərək barəsində cinayət işi açıb və hazırda həbsdə olduğunu bildirir.  Paşinyan daha əvvəl hərbçinin Ermənistanda qalacağını və cinayət işi üzrə prosedurların Ermənistan ərazisində aparılacağını açıqlayıb.

Gülnar Nazimqızı