Azərbaycan və Ermənistan xarici işlər nazirləri görüşəcək

Azərbaycanın xarici işlər naziri Elmar Məmmədyarovun başçılıq etdiyi nümayəndə heyəti artıq İsveçrədədir.

ANN.Az Oxu.Az-a istinadən xəbər verir ki, bu gün E.Məmmədyarov iclasda çıxış edəcək və həmçinin ATƏT-in Minsk qrupunun həmsədrləri ilə görüşəcək.

Daha sonra, Azərbaycanın xarici işlər naziri Ermənistan xarici işlər naziri ilə görüşəcək. ATƏT-in Minsk Qrupunun amerikalı həmsədri Ceyms Uorlik Azərbaycan və Ermənistan xarici işlər nazirlərinin növbəti görüşünün yerini də açıqlayıb. O, öz "Tvitter” səhifəsində qeyd edib ki, Ermənistan və Azərbaycan xarici işlər nazirləri Bazeldə ATƏT-in Xarici İşlər Nazirləri Şurasının toplantısı çərçivəsində görüşəcəklər.

"Onlar danışıqlar yolu ilə nizamlama istiqamətində növbəti addımları müzakirə edəcəklər” - deyə C.Uorlik yazıb.

ANN.Az