Qarabağ BMT kürsüsündə

ANS PRESS-in məlumatına görə, o deyib ki, mən Dağlıq Qarabağda, qoşunların təmas xəttində son vaxtlar baş verən hadisələrdən xüsusilə narahatam. Ermənistan və Azərbaycan prezidentləri arasında ötən ildə keçirilən danışıqlara baxmayaraq, biz vəziyyətin kəskin pisləşməsini və siyasi prosesin ləngidilməsini müşahidə edirik.

Onun sözlərinə görə, Serbiya ATƏT-ə sədrliyi müddətində tərəflər arasında danışıqlar prosesinin davam etməsini və Minsk qrupu həmsədrlərinin münaqişənin uzunmüddətli nizamlanmasına gətirib çıxaracaq həll yollarının axtarışına yönəldilmiş səylərini dəstəkləyəcək.

ATƏT sədri deyib: "Mən Ermənistanın və Azərbaycanın xarici işlər nazirləri ilə yaranmış vəziyyəti vaxtaşırı müzakirə edirəm. Regiona qarşıdakı səfərim çərçivəsində dövlət başçıları ilə görüşüm nəzərdə tutulur."