"Liverpul"un yeni transferi Mario Balotelli ingilis klubuna keçidi haqda danışıb.
Qol.Az-ın məlumatına görə, "Mançester Siti"nin sabiq futbolçusu klubun rəsmi saytına açıqlamasında İtaliyaya qayıtmağın yanlış qərar olduğunu bildirib:
"Liverpul" İngiltərənin ən güclü klublarından biridir. Bu komanda yaxşı oyun sərgiləyir. "Liverpul"da çoxlu sayda istedadlı, gənc futbolçular toplaşıb. Yenidən İngiltərəyə qayıtdığım üçün şadam. Çünki İtaliyaya qayıtmaq yanlış qərar idi. "Mançester Siti" - "Liverpul" matçını mütləq izləyəcəm. Təbii ki, bu görüşdə oynamaq istərdim. Ancaq bu, mümkünsüzdür. Komandamı tribunadan dəstəkləyəcəm".
Qeyd edək ki, Balotelli 20 milyon avro müqabilində "Milan"dan "Liverpul"a transfer olunub.
ANN.Az
Bizi sosial şəbəkələrdə izləyin !