Bu dəfə yolumuz Qusara düşdü. Gəlmişkən, buranın bazarına da baş çəkdik. Digər bazarlardan fərqli, ayrı heç nə yox idi bu bazarda. Bütün bazarlarda olduğu kimi burada da adi bazar həyatı öz axarında gedirdi.

 

Fərq yalnız buranın nisbətən daha sakit olması, qələbəliyin də azlığında idi. Onu da deyim ki, satıcı kişilər hər dəfə kameranın obyektivinin onlara tuşlanmasından əsəbləşir, mənə sərt-sərt baxırdılarsa, qadınlar bir o qədər mülayimləşir, gülümsəyir, poz verir, anlamadığım dillərində şirin-şirin nə isə başa salmağa çalışırdılar.