Ronaldu mövsüm ərzində 4-cü penaltini vura bilməyib

Portuqaliyanın futbol üzrə yığma komandası yoldaşlıq matçında öz meydanında gözlənilmədən Bolqarıstan millisinə məğlub olub – 0:1.

 

APA-nın məlumatına görə, yeganə qolu Marselinyo (19 dəq.) meydan sahiblərinin qapısından keçirib.

 

Oyunun 66-cı dəqiqəsində portuqalların lideri Kriştianu Ronaldu 11-metrlik cərimə zərbəsindən yararlana bilməyib.

 

Qeyd edək, Portuqaliya və "Real” (Madrid) ulduzu mövsümdə sayca 4-cü penaltini vura bilməyib. Bundan əvvəl martın 20-də,  İspaniya çempionatının 30 turu çərçivəsində keçirilən "Real”-"Sevilya” matçında  K.Ronaldu penaltini dəqiq yerinə yetirə bilməmişdi.