“Terimə böyük hörmətlə yanaşıram” - Şevçenko

Qol.az-ın Ukrayna mətbuatına istinadən yaydığı xəbərə görə, gənc məşqçi "ay-ulduzlular”la oyunda heç-heçədən razı qalacağını qeyd edib:

"Fatih Terimə böyük hörmətlə yanaşıram. O, "Milan”da mənim baş məşqçim olub. Türkiyə futbolunun son 20 ildə qazandığı uğurlar onun adı ilə bağlıdır. Mən Terimin iş prinsipinə bələdəm. O heç vaxt dəyişmir. Fatih Terim daim futbolçularından aqressiv və hücum futbolu tələb edir. 

Yaxşı məşqçi olacağımla bağlı dediyi sözlər mənim üçün avansdır. Bu yolu seçmişəm və ümid edirəm ki, uğur qazanacağam. Türkiyə ilə matçda yaxşı oynayıb, qələbə qazansaq, buna çox sevinəcəyəm. Yaxşı oyunla 1 xal qazansaq, narazılıq etməyəcəm. Oyunçularım psixoloji cəhətdən görüşə hazırdılar. Bu, məni sevindirir”. 

Xatırladaq ki, sabah keçiriləcək Türkiyə - Ukrayna görüşü Bakı vaxtı ilə 22:45-də start götürəcək.