Messi “Qızıl Top”a namizədlərini açıqladı
13.02.2018 18:42
"Barselona”nın və Argentina millisinin hücumçusu Lyonel Messi bu il üçün "Qızıl Top” mükafatı uğrunda rəqiblərini açıqlayıb.
Anews.az xəbər verir ki, son 10 ildə mükafatı "Real”ın hücumçusu Kriştyanu Ronaldu ilə bölüşən Leo xarici mətbuata açıqlamasında bu il mükafat uğrunda mübarizənin daha gərgin keçəcəyini bildirib:
"Hazırda dünyada "Qızıl Top”u qazana biləcək çox oyunçu var. Son illərdə iki futbolçu arasında bölüşdürüldü, ancaq indi Neymar, Kilyan Embape və Luis Suares kimi oyunçular da əsas namizədlərdir”.
Messi cari mövsümdə şans qazandığı 36 oyunda 27 qol vurub, 14 məhsuldar ötürmə edib.
Xatırladaq ki, son 10 ildə "Qızıl Top” mükafatını ancaq Lyonel Messi və Kriştyanu Ronaldu qazanıb. Argentinalı və portuqaliyalı hücumçular hərəyə beş dəfə bu mükafata yiyələniblər.
www.anews.az
Foto 
Video 
