UFC rəhbəri Nurməhəmmədovun diskvalifikasiyasını pislədi

UFC rəhbəri Deyna Uayt Nevada ştatının Atletik Komissiyasının rusiyalı qarışıq əlbəyaxa döyüş növləri ustası Həbib Nurməhəmmədovun doqquz ay müddətinə yarışlardan kənarlaşdırılması haqqında qərarını şərh edib.

Onun sözləri "MMA Fighting” saytında dərc olunub.

"Həbibin diskvalifikasiya müddəti məni təəcübləndirdi. Sosial işlərə razılaşsa belə, yarım milyon dollar cərimə və altı ay müddətinə yarışlardan kənarlaşdırılması, mənim fikrimcə, həddindən artıq sərt cəzadır. Ancaq nə edə bilərik?!” , - deyə D.Uayt bildirib.

UFC rəhbəri idmançıların müdafiəsinə qalxıb.

"Bu, bir mübarizədir. İstənilən halda bir döyüşdür. Bəzən elə situasiyalar olur ki, döyüşçülərin bir-birini görən gözü olmur. Bu dəfə də istisna deyildi. Biz nə ediriksə, döyüşlə bağlıdır. Döyüşçülər bir-birinə aşağılayıcı sözlər deyirlər, onlar buna artıq öyrəşiblər. Bu, qaçılmazdır”.

Qeyd edək ki, Nurməhəmmədovun diskvalifikasiyası haqqında qərar yanvarın 29-da elan olunub.