Azərbaycan - Litva oyununda hesab açılmadı

Azərbaycan milli komandası bu gün növbəti oyununa çıxıb.

Martın 21-də "AVRO-2020"nin seçmə mərhələsinin ilk oyununda Xorvatiyaya 1:2 hesabı ilə yenilən millimiz bu dəfə yoldaşlıq oyunu keçlirib və doğma meydanda Litva ilə qarşılaşıb. Millimizin yeni baş məşqçisi Nikola Yurçeviçin üçün ikinci sınaq olan qarşılaşma 0:0 hesabı ilə yekunlaşıb.


Qeyd edəkk ki, bu Azərbaycan və Litva milliləri arasında 3-cü qarşılaşma olub. Komandalar ilk dəfə 1998-ci ilin iyun ayının 26-da Estoniyada üz-üzə gəlib və millimiz qələbə qazanıb 2:1. İkinci görüş 2008-ci ilin 26 martında Vilnüsdə baş tutub və bu dəfə litvalılar 1:0 hesablı qələbəyə sevinib. İlk oyunda komandamıza Vaqif Sadıqov, ikincidə Nazim Süleymanov başçılıq edib.


Bu milli komandamızın keçirdiyi 123-cü yoxlama oyunu kimi tarixə düşüb. Millimiz 123 qarşılaşmadan 33-də qələbə qazanıb, 48-də uduzub və 41 dəfə meydanı "sülh"lə tərk edib. Top fərqində də rəqiblərin üstünlüyü var - 112:155. 
 
Yoldaşlıq oyunu


25 mart
Azərbaycan - Litva 0:0
Azərbaycan: 1. Səlahət Ağayev, 2. Qara Qarayev (8. Emin Mahmudov, 85), 5. Maksim Medvedev (k), 6. Bədavi Hüseynov, 7. Araz Abdullayev (10. Mahir Mədətov, 64), 11. Ramil Şeydayev, 14. Eddi İsrafilov (19. Əli Babayev, 75), 16. Rüfət Dadaşov (9. Namik Ələskərov, 65), 18. Anton Krivotsyuk, 20. Riçard Almeyda (13. Dmitri Nazarov, 46), 21. Təmkin Xəlilzadə (22. Mirabdulla Abbasov, 89). 
Ehtiyat oyunçular: 12. Emil Balayev, 23. Şahruddin Məhəmmədəliyev, 3. Şəhriyar Rəhimov, 4. Rahil Məmmədov, 15. Ömər Buludov.
Baş məşqçi: Nikola Yurçeviç.

Litva: 1. Emiliyus Zubas (12. Dziugas Bartkus, 46), 2. Linas Klimaviçius, 3. Marrus Palionis, 8. Eqidiyus Vaitkunas (4. Vitautas Andriuskeviçius, 88), 10. Paulius Qolubikas (6. Justinas Marazas, 62), 11. Arvidas Novikovas (17. Mantas Kuklis, 82), 14. Vikintas Slivka, 18. Modestas Vorobyovas, 21. Neriyus Valskis (15. Deimantas Petravicius, 46), 22. Fyodor Çernıx (k) (13. Saulius Mikoliunas, 66), 23. Rolandas Baravikas. 
Ehtiyat oyunçular: 16. Ernestas Setkus, 5. Alqis Yankauskas, 9. Donatas Kazlauskas, 20. Rimvidas Sadauskas.
Baş məşqçi: Valdas Urbonas.
Sarı vərəqələr: Dmitri Nazarov, 67. Maksim Medvedev, 83 - Modestas Vorobyovas, 18. Saulius Mikoliunas, 75. Justinas Marazas, 88.


Hakimlər: Feşnik Horatiu, Avram Valentin, Çerey Aleksandru (Rumıniya), Orxan Məmmədov (Azərbaycan).
"Bakcell Arena".





www.anews.az