Hikmət Hacıyev: Ermənistanın ədalətdən danışmağa haqqı yoxdur
11.12.2021 16:48
Ermənistanın törətdiyi vandalizm, vəhşilik fonunda Azərbaycan və Türkiyəyə qarşı iddialar irəli sürməsi qəbuledilməzdir, bunu Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev İstanbulda keçirilən Beynəlxalq Strateji Kommunikasiya - "Stratcom 21" Sammitinin açılış mərasimində çıxışı zamanı bildirib.
Hacıyev onu da vurğulayıb ki, azad edilmiş ərazilərdə Ermənistan tərəfindən urbisid törədilib.
www.anews.az
"Qarabağın işğaldan azad edilməsi bizi yeni reallıqla üz-üzə qoyub”, - Prezidentin köməkçisi vurğulayıb.
Onun sözlərinə görə, XXI əsrdə şəhərlərin, kəndlərin bu dərəcədə məhv edilməsi dünya tarixində olmayıb. H. Hacıyev əlavə edib ki, sanki Ermənistan işğaldan azad edilmiş ərazilərdə nüvə silahından istifadə edib.
"Bu qədər vəhşilik törədən Ermənistanın ədalətdən danışmağa mənəvi haqqı yoxdur", - deyə o vurğulayıb.
www.anews.az
Foto 
Video 
