Müharibəsinin onuncu günü Ukraynada nə baş verib? - İCMAL
06.03.2022 09:35
Rusiya-Ukrayna müharibəsinin onuncu günü Ukraynada nə baş verib? Hadisələrin qısa icmalını təqdim edirik:
- Rusiya və Ukrayna müharibəsinin onuncu günündə dünyanın ən iri ödəniş provayderləri iolan Mastercard və Visa Rusiyadan olan müştərilərlə əməkdaşlığı dayandırdığını bəyan etdi. Artıq Rusiya bankları tərəfindən buraxılan kartlar artıq ölkə xaricində çalışmayacaq. Ölkənin daxilində isə kart ödənişlərini emal edən alternativ sistemlər mövcuddur.
- Ukrayna kəşfiyyatı Ukrayna-Rusiya danışıqlarında iştirak edən Ukrayna nümayəndə heyətinin üzvü Denis Kireyevin öldüyünü rəsmi təsdiq etdi. Ukrayna mediası Kireyevin Ukrayna Xüsusi Xİdməti (UXX) tərəfindən saxlanma zamanı öldürüldüyünü yazmışdı. Amma Ukrayna Müdafiə Nazirliyinin kəşfiyyat idarəsi Kireyevin onların əməkdaşı olduğunu bildirmişdi. UXX məsələyə hələlik münasibət bildirməyib.
- İSrailin baş naziri Naftali Benett Rusiya prezidnti Vladimir Putinlə Ukrayna ilə bağlı durumu müzakirə edib və daha sonra Berlinə yola düşüb. Görüşün fotoları hələlik yayılmayıb.
- Rusiya-Ukrayna danışıqlarının üçüncü raundunun bazar ertəsi, martın 7-ə planlaşdırıldığı bildirilib.
N.Təbrizli
www.anews.az
Foto 
Video 
