Türkiyədə güclü partlayış - İki polis yaralandı

Türkiyənin Bingöl vilayətində Xüsusi Hərəkat Şöbəsində təlim bölgəsinə döyüş sursatlarının çatdırılması zamanı partlayış baş verib.
 
Türkiyə mətbuatı məlumat verir ki, baş verən partlayışda 2 polis əməkdaşı ağır yaralanıb.
 
Bingöl Qubernatorluğundan verilən açıqlamada deyilir ki, partlayış saat 13:30 radələrində Kaleönü Məhəlləsindəki Xüsusi Hərəkat Şöbəsində təlim bölgəsinə döyüş sursatı (tank əleyhinə) daşınarkən baş verib.
 
Ağır yaralanan polislərin Bingöl Dövlət Xəstəxanasına çatdırıldıqları bildirilir.

www.anews.az