Vladimir Jirinovskinin ölüm xəbəri təkzib edildi - YENİLƏNDİ

 

"Vladimir Volfoviç Jirinovskinin səhhəti ilə bağlı narahat olan hər kəsi əmin etmək istəyirəm. O, sağdır. Onun vəziyyəti həqiqətən ağırdır. Bu gün o, KT müayinəsindən keçib. Biz ondan narahatıq, həkimlər onun üçün mübarizə aparır”, -  bunu Dövlət Dumasının sədri Vyaçeslov Volodin teleqramda yazıb.

Onun ölümü barədə məlumat yayan senator A.Pronyuşkin isə teleqramdakı müvafiq qeydini silib. 

 

******

Rusiyalı siyasətçi, Rusiya Liberal Demokratik Partiyasının (RLDP) sədri və Dövlət Dumasının deputatı Vladimir Jirinovski 75 yaşında ölüb.

Bu barədə senator Aleksandr Pronyuşkin məlumat verib.

Onun sözlərinə görə, siyasətçi koronavirusdan müalicə aldığı Moskva klinikasında keçinib.

Ölkənin Səhiyyə Nazirliyi isə xəbəri təkzib edib.