KTMT-nin baş katibi və Mirzoyan keçirilən iclasda Azərbaycandan danışdı

İrəvandakı Dvin kompleksində bu gün KTMT-yə üzv ölkələrin Xarici İşlər Nazirləri Şurasının iclası keçirilib.

İclasda Rusiyanın xarici işlər naziri Sergey Lavrov, Rusiyanın müdafiə naziri Sergey Şoyqu və digər yüksək rütbəli şəxslər iştirak edib. 

Ermənistanın Xarici İşlər Naziri Ararat Mirzoyan iclasda bildirib ki, bu Ermənistan üçün çox vacib görüşdür. 

"Bizim üçün bu görüş həm də o mənada vacibdir ki, Azərbaycanın bu ilin sentyabrında Ermənistan Respublikasının suverenliyinə və ərazi bütövlüyünə təcavüzündən sonra bu formatda ilkdir. Gündəliyimizdə xarici siyasətin koordinasiyası, hərbi-siyasi əməkdaşlıq, yeni təhdidlər və çağırışlar və təbii ki, bütövlükdə Cənubi Qafqazdakı vəziyyətlə bağlı iyirmiyə yaxın sənəd var”, - Ararat Mirzoyan bildirib.

Mirzonyan çıxışından tərəflər beynəlxalq və hərbi sahədə mövcud vəziyyəti təhlil edib qiymətləndirə biləcəklərinə ümid etdiyini deyib.

KTMT-nin baş katibi Stanislav Zas İrəvanda keçirən iclasda çıxışı zamanı bildirib ki, Ermənistan və Azərbaycan sərhədində gərginlik hələ də qalır. 

Daha sonra baş katib Kollektiv Təhlükəsizlik Şurasının Ermənistana yardım göstərilməsi üzrə birgə tədbirlər haqqında qərar layihəsi razılaşdırıldığını və tədbirlər KTMT-nin monitorinq missiyasının nəticələri və təklifləri əsasında hazırlandığını açıqlayıb. 


İclas zamanı Kollektiv Təhlükəsizlik Şurasının Bəyannaməsinin qəbul ediləcəyi gözlənilir.

Gülnar Nazimqızı 



www.anews.az