Putin: 9 ayda Ermənistanla Rusiya arasında ticarət dövriyyəsi 67% artıb

Putin Rusiya ilə Ermənistan arasında münasibətlərin müttəfiq olduğunu da qeyd edib.

"Siz bizim ikitərəfli münasibətlərimizi qeyd etdiniz, əlbəttə ki, müttəfiqdir, qədim, dərin köklərə malikdir", - Putin bildirib.

Paşinyan öz növbəsində qeyd edib ki, bu il Ermənistandan Rusiyaya ixrac 80% artıb ki, bu da iki ölkə arasında iqtisadi əlaqələrin dərinləşməsindən xəbər verir.

"İkitərəfli iqtisadi əlaqələrimiz sürətlə inkişaf edir. Müşahidə etdim ki, bu il Ermənistandan Rusiyaya ixrac 80% artıb. Təbii ki, bu, tədarük zəncirindəki bəzi dəyişikliklərlə bağlıdır, lakin bu, bir faktdır”, - deyə o qeyd edib.


Ermənistanın Milli Statistika Komitəsinin məlumatına görə, bu ilin 9 ayı ərzində Ermənistanın Rusiya ilə xarici ticarət dövriyyəsi 2021-ci ilin yanvar-sentyabrı  ilə müqayisədə 80,5% artaraq 3 207 926,6 min dollar təşkil edib. Eyni zamanda, hesabat dövründə Ermənistan Respublikasından Rusiya Federasiyasına ixrac 2,4 dəfə artaraq 1 404 681,7 min dollar, idxal isə 1 947 145,7 min dollar (artım 44,8%) təşkil edib. 

www.anews.az