Ermənistanda bu gün azərbaycanlılara etiraz olaraq aksiya keçiriləcək

Ermənistanda fəallar bu gün saat 16:00-da BMT-nin ofisinin binası qarşısına azərbaycanlı ekoloqların aksiyasına etiraz olaraq toplaşacaq. Bu barədə "Ermənistan” fraksiyasının üzvü İşxan Saqatelyan öz Facebook səhifəsində yazıb. 

 

- Azərbaycan və Türkiyənin müxtəlif ölkələrdəki səfirlikləri qarşısında etiraz aksiyaları

- Ermənistanda ofislər qarşısında etiraz aksiyası. Bu gün, dekabrın 13-ü, saat 16:00-da BMT-nin ofisinin binası qarşısına toplaşırıq. Sonra Fransa, Rusiya və ABŞ səfirliklərinə məktublar göndərəcəyik.

- Azərbaycanın soyqırımı aktlarını pisləyən bəyanat qəbul edilməsi.

- Biz bu üç istiqamət üzrə işləyirik, onlar haqqında əlavə məlumat verəcəyik”, - Saqtelyan yazıb. 

 

Dekabrın 12-də  Azərbaycanın qeyri-hökumət təşkilatlarının (QHT) nümayəndələri və ictimai fəalların sülhməramlılarının erməni təxribatlarına qarşı Şuşanın girişində aksiya keçirirlər. Onlar Sülhməramlıların rəhbəri Andrey Volkovun əraziyə gəlməsini tələb edirlər. 
 
2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və "AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.

 

Gülnar Nazimqızı