Milli Məclis dilənçilik edənlərin cərimələnməsini təsdiqləyib

Milli Məclidə bu gün keçirilən plenar iclasda İnzibati Xətalar Məcəlləsinə dəyişikliklər üçüncü oxunuşda qəbul edilib. Yeni qaydalar dilənçiliklə məşğul olan şəxslərə qarşı inzibati məsuliyyətin sərtləşdirilməsini nəzərdə tutur.

Qəbul edilən dəyişikliklərə əsasən, dilənçiliklə məşğul olan şəxslərə xəbərdarlıq ediləcək və ya 100–200 manat məbləğində cərimələnəcək, işin halları nəzərə alınmaqla 10 günədək inzibati həbs tətbiq oluna biləcək.

Yetkinlik yaşına çatmayanların dilənçiliyə cəlb edilməsinə görə isə 200–500 manat cərimə, və ya 15 günədək inzibati həbs cəzası nəzərdə tutulur.

Gülnar Nazimqızı