Rusiya ilk dəfə Türkiyəyə rublla taxıl tədarük edib

Rusiya ilk dəfə Türkiyəyə rublla taxıl tədarük edib.Bunu Rusiyanın baş naziri müavini Viktoriya Abramçenko NTV telekanalının efirində bildirib.


Onun sözlərinə görə, bu, bir sınaq idi və uğurlu alındı.


"Türkiyə ilə təcrübə payızda aparılıb. Bu bir qayda deyil.Sınaq təcrübəsi idi və uğurlu olub”, - Abramçenko bildirib.


Nazir müavini bildirib ki, Rusiya Mərkəzi Bankı dost ölkələrlə milli valyutalarda hesablaşmalar məsələsi üzərində fəal işləyir.


 Hazırda Rusiya dünyanın 150 ölkəsinə, əsasən də dost dövlətlərə ərzaq ixrac edir.


Dövlət rəsmisi vurğulayır ki, 2022-ci ildə Rusiyadan bu ölkələrə 21 milyon ton ərzaq və 14,5 milyon ton gübrə ixrac edilib.


"Biz anti-Rusiya sanksiyaları, o cümlədən logistika ilə bağlı yaranan çətinlikləri dəf edirik”, o söyləyib.


2022-ci ilin martında Rusiya Taxıl İxracatçıları İttifaqı (TD Rif, Aston, Demetra Trading, OZK, Cargill, Viterra) Rusiyanın xarici alıcıları ilə hesablaşma mexanizminin işlənib hazırlanması təklifi ilə Mərkəzi Banka müraciət edib. 



www.anews.az