Baş Prokurorluq ailəsini balta ilə öldürən Əhmədlə bağlı açıqlama yayıb

Baş Prokurorluq sosial şəbəkələrdə Əhməd Əhmədovun tibb müəssisəsindən azad olunması ilə bağlı yayılan məlumatları təkzib edib və onları həqiqətə uyğun olmayan, ictimaiyyətdə süni ajiotaj yaradan iddialar kimi qiymətləndirib.

Qurumun açıqlamasına görə, 13 fevral 2024-cü ildə Xətai rayonunda beş nəfər ailə üzvünü qəsdən öldürməkdə təqsirləndirilən Əhməd Əhmədov hazırda məhkəmə qərarı əsasında ixtisaslaşmış psixiatriya müəssisəsində məcburi müalicə altındadır və onun azad olunması barədə iddialar “tamamilə əsassızdır”.