Azərbaycanda bankların xarici öhdəlikləri 32% artıb
21.08.2023 17:17
2023-cü il iyulun 31-ə Azərbaycanda fəaliyyət göstərən bankların xarici öhdəlikləri 2 milyard 331,2 milyon manat təşkil edib ki, bu da 2022-ci ilin sonuna olan göstəricidən 32,3% çoxdur. Bu barədə Aərbaycan Mərkzi Bankı (AMB) məlumat verib.
Eyni zamanda, iyulda bankların xarici öhdəlikləri 9,3% və ya 238,6 milyon manat azalıb (iyun ayında: +14,7 milyon manat).
Mərkəzi Bankın məlumatına görə, iyulun sonuna Azərbaycan banklarının xalis xarici aktivləri 3 milyard 597,1 milyon manat təşkil edib ki, bu da 2022-ci ilin sonuna olan göstəricidən 44% azdır.
Bununla yanaşı, iyulda Azərbaycan banklarının xalis xarici aktivləri 15,4% və ya 654,2 milyon manat (iyulda: - 1 milyard 193,9 milyon manat) azalıb.
2022-ci ildə bankların xarici öhdəlikləri 65,7%, xalis xarici aktivləri isə 10,7% artıb.
Azərbaycanda bankların xarici öhdəlikləri qeyri-rezidentlərdən cəlb edilmiş kreditlər, qeyri-rezidentlərdən cəlb edilmiş depozitlər, qeyri-rezidentlərin qarşısında yerləşdirilmiş qiymətli kağızlar hesabına formalaşır.
Azərbaycanda 2023-cü ilin iyul ayının sonunda 24 bankın fəaliyyət göstərmək üçün lisenziyası olub.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
