İpoteka Fondu 38 milyon manat faiz gəliri əldə edib

 

Hesabat dövründə fondun faiz gəlirləri illik müqayisədə 21.2% artaraq 37 milyon 816.6 min manata, faiz xərcləri isə 24.8% artaraq 20 milyon 804,5 min manata bərabər olub.

 

Bu dövrdə fondun əməliyyat gəlirləri 17 milyon 246 min manat təşkil edib ki, bu da ötən ilin müvafiq dövrü ilə müqayisədə 18% çoxdur.

Cari ilin iyununun 30-na İKZF-nin cəmi kapitalı 1 milyard 61.3 milyon manata bərabər olub ki, bu da ötən ilin müvafiq dövrü ilə müqayisədə 10.8% çoxdur.

 

Bu günə qədər İpoteka və Kredit Zəmanət Fondu (İKZF) 47 007 borcalana 2 milyard 802,6 milyon manat kredit verib. Bu barədə qurumun açıqlamasında bildirilib.

İndiyə qədər 377,754 milyon manat məbləğində biznes kreditlərinə zəmanət verilib, 4 005 mənzil isə kirayəyə vermək yolu ilə realizə edilib.
 
Azərbaycan İpoteka və Kredit Zəmanət Fondu (AİKZF)  mənzillərin almaq hüququ ilə kirayə verilməsi mexanizmi çərçivəsində avqustda  ölkə vətəndaşlarına 233 yeni mənzil təqdim edib

Fondun məlumatına görə, Abşeron rayonunda (Saray kəndi, Məhəmməd Əsədov küçəsi) yaşayış kompleksində 233 mənzil vətəndaşlara təklif olunur. Bu kompleksdə 1, 2 və 3 otaqlı tam təmirli mənzillər kirayə verilir.

Azərbaycan prezidenti İlham Əliyev 2017-ci il dekabrın 26-da "Azərbaycan İpoteka Fondu” ASC-nin ləğvi və Azərbaycan İpoteka və Kredit Zəmanət Fondunun yaradılması haqqında fərman imzalayıb.
 
Aytac Zeynalova