Yanvar-fevralda Azərbaycanda elektrik enerjisinin istehsalı 10,5% azalıb
19.03.2024 13:32
2024-cü ilin yanvar-fevralında Azərbaycanda elektrik enerjisinin istehsalı 4 686,4 milyon kVt·st olub ki, bu da ötən ilin eyni dövrü ilə müqayisədə 490,5 milyon kVt·st və ya 10,5% azdır. Bu barədə Energetika Nazirliyi məlumat yayıb.
Hesabat dövründə elektrik enerjisi istehsalı İES-lərdə 4 316,2 milyon kVt·st, SES-lərdə keçən ilin müvafiq dövrünə nisbətən 146,7 milyon kVt·st artımla 268,3 milyon kVt·st, digər mənbələr üzrə isə ötən ilin müvafiq dövrü ilə müqayisədə 45,4 milyon kVt·st artımla 101,9 milyon kVt·st. təşkil edib. Bu dövrdə külək elektrik stansiyalarında 9,5 milyon kVt·st, günəş elektrik stansiyalarında 50,7 milyon kVt·st, Bərk Məişət Tullantılarının Yandırılması Zavodunda isə 41,7 milyon kVt·st elektrik enerjisi istehsal edilib.
İki ayda "Azərenerji” ASC üzrə elektrik enerjisinin istehsalı 4 186,0 milyon kVt·st (İES-lərdə 3 928,1 mln. kVt·st, SES-lərdə 257,9 mln. kVt·st),Naxçıvan MR Dövlət Energetika Xidməti üzrə 59,8 mln. kVt·st (İES-lərdə 44,5 mln. kVt·st, SES-lərdə 8,1 mln. kVt·st, Günəş ES-də 7,2 mln. kVt·st), "Azərişıq” ASC üzrə külək elektrik stansiyalarında 6,0 mln. kVt·st, müstəqil elektrik stansiyaları üzrə isə 434,6 mln. kVt·st təşkil edib.
Hesabat zamanı elektrik enerjisinin idxalı 32,5 milyon kVt·st, ixracı isə 221,6 milyon kVt·st olub.
Cari ilin fevralında respublika üzrə elektrik enerjisinin istehsalı 2 273,5 milyon kVt·st olub. Bu ayda elektrik enerjisinin idxalı 13,5 milyon. kVt·st, ixracı isə 106,7 milyon. kVt·st təşkil edib.
2023-cü ildə Azərbaycanda 29 276,6 milyon kVt/saat elektrik enerjisi istehsal olunub ki, bu da 2022-ci ilə nisbətən 272,3 milyon kVt/saat çoxdur.
2022-ci ilin yekunlarına görə, Azərbaycanda elektrik enerjisi istehsalı 2021-ci illə müqayisədə 4% artaraq 28,988 milyard kilovat-saata çatıb.
Aygün Mirakif
www.anews.az
Oxşar xəbərlər
Oxşar xəbərlər
Foto 
Video 
