Rusiya Müdafiə Nazirliyinin Tu-154 təyyarəsi Amur vilayətində qəzaya uğrayıb, 6 nəfər ölüb

Rusiya Müdafiə Nazirliyinə məxsus Tu-154 təyyarəsi Amur vilayətində qəzaya uğrayıb. Hadisə nəticəsində təyyarədə olan 7 nəfərdən 6-sı ölüb, bir nəfər yaralanıb.

“Baza” Telegram kanalının məlumatına görə, qəza sentyabrın 29-da Amur vilayətinin Krasnoyanovo kəndi yaxınlığında baş verib.

Məlumata görə, yaralanan şəxs xəstəxanaya yerləşdirilib.

İlkin məlumata əsasən, qəzanın səbəbi təyyarənin yanacaq sistemində partlayış ola bilər. Hadisə yerində güclü yanğın baş verdiyi bildirilir.

Təyyarənin Rusiya Müdafiə Nazirliyinin “Ukrainka” aviabazasına məxsus olduğu qeyd olunur.

Qəzanın səbəbləri və digər hallar araşdırılır.