Kamran Əliyev İraqın Ali Məhkəməsinin sədri və Baş prokuroru ilə görüşüb
04.07.2024 18:44
İyulun 4-də Baş prokuror Kamran Əliyev Azərbaycanda işgüzar səfərdə olan İraq Respublikası Ali Məhkəmə Şurasının sədri cənab Faiq Zidan və Dövlət Prokurorluğunun sədri Nacmu Abdullah Əhməd ilə görüşüb.Bu barədə Prokurorluqdan məlumat verilib.
Qonaqları salamlayan Baş prokuror geniş tərkibli nümayəndə heyətinin Azərbaycana səfərini iki ölkə arasında hüquqi əməkdaşlığın uğurlu başlanğıcı kimi qiymətləndirib.
Kamran Əliyev hər iki dövlətin prezidentlərinin birgə səyləri, apardıqları uzaqgörən xarici siyasəti nəticəsində ölkələr arasında münasibətlərin dinamik şəkildə inkişaf etdiyini bildirərək,Ali Baş Komandanın rəhbərliyi altında Azərbaycanın ərazi bütövlüyünün tam şəkildə bərpa olunduğu, dövlət başçısının və Birinci vitse-prezident Mehriban xanım Əliyevanın diqqət və qayğısı ilə Qarabağda sürətli bərpa və quruculuq işlərinin aparıldığı barədə qonaqları məlumatlandırıb.
Baş prokuror cari ilin 29 sentyabr - 2 oktyabr tarixlərində Beynəlxalq Prokurorlar Assosiasiyasının 29-cu illik konfransı və ümumi yığıncağının Azərbaycanda keçiriləcəyini bildirərək iraqlı həmkarlarını tədbirdə iştiraka dəvət edib.
Səmimi qəbula görə təşəkkürünü ifadə edən Faiq Zidan iki ölkə arasında münasibətlərin inkişaf etdirilməsinin zəruriliyini vurğulayaraq, hüquq-mühafizə orqanları arasında cinayətkarlığa, xüsusilə də terrorçuluqla mübarizə sahəsində qarşılıqlı səmərəli əməkdaşlığın aparılmasının vacibliyini ifadə edib.
Tərəflər əlaqələrin möhkəmləndirilməsi istiqamətində müqavilə hüquq bazasının genişləndirilməsini müzakirə ediblər.
www.anews.az
Oxşar xəbərlər
Oxşar xəbərlər
Siyasət
11:38
Prezident Zəngilan şəhərində sakinlərlə görüşüb, "Zangilan City Park Hotel"in təməlini qoyub
Siyasət
00:10
Prezidentin sosial media hesablarında Heydər Əliyevlə bağlı videoçarx paylaşılıb - Video
Son xəbərlər 
Daha çox
Foto 
Video 
