Azəri-Çıraq-Günəşlidən əldə olunan gəlirlər açıqlanıb

2024-cü ilin yanvar-avqustunda Azəri-Çıraq-Günəşli” (AÇG) yataqlar blokundan hasil edilən mənfəət nefti və "Şahdəniz” yatağından əldə olunan mənfəət qazı və kondensatın satışından Azərbaycan Dövlət Neft Fonduna (ARDNF) daxilolmalar 4 milyard 636,065 milyon dollar təşkil edib. Bu, ötən ilin eyni dövrü ilə müqayisədə 21,6%  azdır. Bu barədə Azərbaycan Dövlət Neft Fondunun məlumat verib.

AÇG blokundan  mənfəət neftin satışından əldə olunan gəlirlər 4 milyard 271,6 milyon dollar (-9,7%) təşkil edib.


"Şahdəniz" yatağından hasil edilən rentabelli qazın satışından əldə edilən gəlir - 250,587 milyon dollar (-3,7 dəfə) olub. 


"Şahdəniz”dən hasil edilən kondensatın satışından əldə olunan gəlir 113,878 milyon dollar (-2,3 dəfə) təşkil edib.


N.Təbrizli

www.anews.az