Tramp və Harrisin reytinqləri bərabərdir
09.09.2024 11:38
New York Times və Siena Kollecinin keçirdiyi milli sorğuya əsasən, Respublikaçılar Partiyasından prezidentliyə namizəd Donald Tramp və onun Demokratik rəqibi, vitse-prezident Kamala Harris son həftələrdə demək olar ki, bərabər olublar.
Prezident Joe Biden iyulda yarışdan çıxdıqdan sonra Trampın kampaniyası yavaşlasa da, son sorğular onun əsas dəstəyinin toxunulmaz qaldığını göstərir.
Sorğuda seçicilərin 28%-i Demokratların namizədi haqqında daha çox məlumat istədiklərini, yalnız 9%-i isə Tramp haqqında eyni fikirdə olduğunu bildirib.
Sorğular göstərir ki, çərşənbə axşamı keçiriləcək prezidentlik debatı yarışda mühüm məqam ola bilər.
Harrisin həyata keçirməyi planlaşdırdığı siyasətlər haqqında daha çox danışmaq şansı olacaq. Yarış o qədər rəqabətlidir ki, hər iki namizəd üçün hətta kiçik bir qələbə fərqi də həlledici ola bilər.
Seçkilərin qalibini müəyyən edə biləcək yeddi əsas ştatda keçirilən sorğular da yarışın xüsusilə gərgin keçəcəyini ardıcıl olaraq göstərir.
Noyabrın 5-də Amerikada prezident seçkiləri keçiriləcək. Seçkilərdə Kamala Harrisin rəqibi ABŞ keçmiş lideri Donald Tramp olacaq.
Gülnar
www.anews.az
Foto 
Video 
