İspaniyada qatar qəzasında ölənlərin sayı 74-ə çatıb

İspaniyanın Toledo şəhərində iki qatarın toqquşması nəticəsində ölənlərin sayı 74 nəfərə çatıb.Bu barədə İspaniya mediası məlumat yayıb.

Qəza nəticəsində 100-ə yaxın insan yaralanıb. Onlardan 53-ü xəstəxanada müalicə alır, 15 nəfərin vəziyyəti kritik qiymətləndirilir.

Xatırladaq ki, qatarların toqquşmasından sonra 64 nəfərin itkin düşdüyü bildirilmişdi.

Daha əvvəl ölənlər və xəsarət alanlar arasında Argentina, Yaponiya, Filippin, Cənubi Koreya və Çin vətəndaşlarının olduğu açıqlanıb.

Qəza oktyabrın 28-də “Renfe” və “Iryo” şirkətlərinə məxsus qatarların toqquşması nəticəsində baş verib. İspaniyanın nəqliyyat naziri Oskar Puente bildirib ki, faciə siqnalizasiya sistemindəki nasazlıq və dispetçer mərkəzinin hərəkəti bərpa etmək qərarından sonra baş verib.

Hadisə ilə əlaqədar oktyabrın 29-dan 31-dək ölkədə matəm elan edilib.