Qaluzin sülh müqaviləsindən danışıb

 "Rusiya Azərbaycan və Ermənistanın sülh müqaviləsinin imzalanması və ikitərəfli münasibətlərin normallaşdırılması istiqamətində əldə etdiyi irəliləyişi alqışlayır. Biz müttəfiqlik münasibətlərində olduğumuz Ermənistan və Azərbaycanın tərəfdarıyıq, uzunmüddətli münasibətlərin stabil tənzimlənməsinə yol açacaq və gələcək nəsillər üçün "mina” qoymayacaq sülh müqaviləsi hazırlamağın tərəfdarıyıq. Tələsik bağlanan istənilən saziş problemlər yarada bilər və Qərb bunu mümkün qədər tez bağlamaq istəyir. Belə tələsik, düşünülməmiş və tamamilə yoxlanılmamış qərarlar uzunmüddətli sabit sülhə gətirib çıxara bilməz, əksinə, gələcəkdə müəyyən qarşıdurma toxumları səpə bilər ki, bu da təbii ki, biz Ermənistan, Azərbaycan, Cənubi Qafqaz və Rusiya üçün son dərəcə arzuolunmaz hesab edirik", - nazir müavini bildirib. 

 

Bir müddət öncə Ermənistanın baş naziri Nikol Paşinyan bildirib ki, İrəvan və Bakı sülh sazişi layihəsinin 90%-ni razılaşdırıblar.

Bundan əvvəl Azərbaycan Ermənistanın sülh sazişi layihəsi ilə bağlı təkliflərinə cavab verib. Bu sayca 11-ci təkliflər paketidir. 
 
Bundan əvvəl Ermənistanın xarici işlər naziri Ararat Mirzoyan ümid edib ki, Ermənistan və Azərbaycan yaxın vaxtlarda bütün sülh sazişi layihəsini razılaşdıra biləcəklər. 
 
Oktyabrın 24-də Paşinyan və Əliyev Kazanda keçirilən BRICS sammiti çərçivəsində görüş keçirərək xarici işlər nazirlərinə sazişin imzalanması üçün layihəni tamamlamaq tapşırığını veriblər. Bundan əvvəl Ermənistan hökumət başçısı sənədin 80-90% razılaşdırıldığını bəyan edib.
 
Bundan əvəl Ermənistanın baş naziri Nikol Paşinyan bir neçə dəfə Azərbaycana təklif edib ki, sülh razılaşdırılmış bəndlər üzərinə imzalansın. 
 
Paşinyana cavab olaraq Azərbaycan prezidenti bildirib ki, sülh sazişinin razılaşdırılmış bəndləri üzrə müqavilə bağlanması təklifini reallıqdan kənardır. 
 
Bundan əvvəl Azərbaycan Prezidenti İlham Əliyev bildirib ki, sülh sənədi layihəsinin 80%-i artıq razılaşdırılıb. Sadəcə açıq qalan 2 məsələ var. 
 
Hazırda iki ölkə arasında danışıqlar prosesi davam edir. 
 
Gülnar Nazimqızı