Telegram istifadəçilərinin qeydiyyat tarixi göstəriləcək

Telegram yeni söhbətə başlayan istifadəçi haqqında ətraflı məlumat göstərməyə başlayacaq. Bu barədə "Telegram İnfo" kanalı məlumat yayıb.

Yeni funksiya “Android” üçün Telegram-ın beta versiyasında, 11.8 versiyasında aşkar edilib.

Bildirilib ki,  artıq  telefon nömrəsinin verildiyi ölkəni, qeydiyyatdan keçdiyi ay və ilini, ümumi qrupların sayını və siyahısını, həmçinin yoxlama statusunu göstərəcək.

Telegram-ın yaradıcısı Pavel Durov bu funksiyanın tətbiqini hələ 2024-cü ilin iyulunda elan etmişdi.

Ehtimal olunur ki, bu yeniliyin iki məqsədi var. Birincisi özünü başqa insanlar kimi təqdim edən fırıldaqçılarla mübarizə, ikincisi isə xidmətdən istifadənin rahatlığını artırmaq olacaq.

Aytac