Azərbaycanlı FIFA referisi beynəlxalq oyuna təyinat alıb

Azərbaycanlı FIFA referisi Kamal Umudlu növbəti təyinat alıb.

O, 19 yaşadək futbolçulardan ibarət komandalar arasında Avropa çempionatının elit raundunun 3-cü qrupunda keçiriləcək oyunları idarə edəcək.

Umudlu martın 19-da Niderland – Xorvatiya, 25-də Çexiya – Niderland matçlarının baş hakimi olacaq. FIFA referisi martın 22-də Çexiya – Xorvatiya qarşılaşmasında dördüncü hakim funksiyasını yerinə yetirəcək. Namik Hüseynov isə həmin görüşlərin köməkçi hakimi olacaq.

Qrup mərhələsinin oyunları Çexiyada təşkil olunacaq.