Maliyyə Nazirliyi növbəti depozit hərracını keçirib

Dövlət büdcəsi vəsaitlərinin daha səmərəli idarə olunması məqsədilə Azərbaycan Respublikasının Maliyyə Nazirliyi tərəfindən vahid xəzinə hesabının milli valyutada olan sərbəst qalığının yerli banklarda depozitə yerləşdirilməsi üçün 24 aprel tarixində növbəti depozit hərracı keçirilib.

Hərracın nəticələrinə əsasən, 500 milyon manat həcmində vəsait ölkənin kapitallaşma və aktivlər baxımından ən iri beş bankında 32 gün müddətinə, orta çəkili 7,04% faiz dərəcəsi ilə depozitə yerləşdirilib.