Azərbaycanda istehsal olunan avtomobillərin sayı açıqlanıb

2025-ci ilin yanvar-aprelində Azərbaycanda 1824 ədəd minik avtomobili, 33 ədəd isə yük avtomobili istehsal edilib. Bu barədə” Dövlət Statistika Komitəsi məlumat yayıb.

Cari ilin mayın 1-i vəziyyətinə hazır məhsul ehtiyatı müvafiq olaraq 138 ədəd minik, 13 ədəd isə yük avtomobili təşkil edib.

Hesabat dövründə ölkədə 199 ədəd traktor istehsal edilib ki, bu da ötən ilin müvafiq dövrü ilə müqayisədə 14.6% azdır.

Ötən il ölkədə 5998 ədəd minik avtomobili, 697 ədəd isə yük avtomobili istehsal edilib.