Bakıda ölkə futbolunun əfsanələri arasında matç keçirilib - Video

Bakıda təşkil olunacaq minifutbol üzrə dünya çempionatına həsr olunan “Legend Cup” keçirilib.

Azərbaycan Minifutbol Federasiyasının təşkilatçılığı ilə ölkə futbolunun əfsanələri arasında matç təşkil edilib.

Milli Gimnastika Arenasında baş tutan oyunda “Neftçi 2000-lər” və “Premyerliqa məşqçiləri” üz-üzə gəlib. Görüşün əsas vaxtı 1:1 hesabı ilə yekunlaşıb. Penaltilər seriyasında isə “Premyerliqa məşqçiləri” 3:2 hesabı ilə qalib gəliblər.

Turnir mayın 21-dən iyunun 1-dək davam edəcək.