Bakıda mini-futbol üzrə dünya çempionatı start götürür

Bu gün Bakıda yerləşən Milli Gimnastika Arenasında mini-futbol üzrə beşinci dünya çempionatı start götürəcək. Yarış FIFA və UEFA tərəfindən deyil, Dünya və Avropa Mini-Futbol Federasiyaları tərəfindən təşkil olunur.

Turnirdə 32 komanda iştirak edir və onlar səkkiz qrupa bölünüb.

Ev sahibliyi edən  Azərbaycan yığması “A” qrupundakı ilk oyununu bu axşam saat 20:30-da Bəhreynə qarşı keçirəcək. Komanda daha sonra Sloveniya (23 may) və Mavritaniya (25 may) ilə qarşılaşacaq.

Bu gün Fransadan Çad, Ukraynadan İngiltərə və Rumıniyadan Özbəkistanla oyunlar daxil olmaqla daha yeddi matç keçiriləcək.

Açılış mərasimi saat 19:00-da başlayacaq və səhnədə müğənni Aygün Kazımova çıxış edəcək.

Qrup mərhələsi 26 mayda başa çatacaq, hər qrupdan iki komanda 1/8 finala yüksələcək. Turnirin finalı 1 iyun tarixində keçiriləcək.

2023-cü ildə BƏƏ-də keçirilmiş dünya çempionatında Azərbaycan dördüncü yeri tutmuşdu. Əvvəlki illərdə çempion adını ABŞ, Çexiya, Meksika və Rumıniya qazanıb.

N.Təbrizli