PaşaKapital Birİnvest layihəsinə start verəcək

İyunun sonunda PaşaKapital Birİnvest layihəsinə start verəcək. Bunu şirkətin direktoru Ceyhun Hacıyev 2024-cü ilin yekunlarına həsr olunan mətbuat konfransında bildirib. 

“PASHA Kapital Kapital Bank ilə birgə əməkdaşlıq çərçivəsində kapital bazarlarına çıxışı genişləndirən yeni alətlərin tətbiq edəcək. Bu ayın sonuna qədər Kapital Bank-ın müştərilərinə istiqraz və qiymətli kağız alqı-satqısı üçün birbaşa imkanlar yaradılacaq,” –  o bildirib.

Onun sözlərinə görə, əsas məqsəd hər bir vətəndaşın kapital bazarlarına sadə və müasir platforma vasitəsilə çıxış əldə etməsinə nail olmaqdır.

Hacıyev bildirib ki, bu məqsədlə PASHA Invest rəqəmsal İT sistemlərinin yenilənməsi üzərində çalışır və bu il ərzində yeni texnologiyaların bazara təqdim olunması planlaşdırılır. “

Artıq rəqəmsal dünyada yaşayırıq. Türkiyə, Qazaxıstan kimi bazarlarda gördüyümüz tendensiyanı Azərbaycanda da tətbiq etmək istəyirik,” – 
 o əlavə edib.

Hacıyev qeyd edib ki, bu təşəbbüslər təkcə bazara dinamika gətirməyəcək, eyni zamanda ölkədə maliyyə savadlılığının və investor aktivliyinin artmasına təkan verəcək.

N.Təbrizli