Ermənistanla sülh üçün real imkanlar mövcuddur - Nazir

Azərbaycan və Ermənistan arasında sülhün əldə olunması üçün real imkanlar mövcuddur. Bu barədə Azərbaycanın xarici işlər naziri Ceyhun Bayramov Tbilisidə keçirilən mətbuat brifinqində bildirib. 

Bayramov bildirib ki, Ermənistan-Azərbaycan münasibətləri və postmünaqişə dövründəki proseslərlə bağlı Gürcüstan tərəfi ətraflı məlumatlandırılıb.

“Sülh prosesi üzrə perspektivlər ümidvericidir, lakin konkret addımlar atılmalıdır. Ermənistan hələ də üzərinə düşən öhdəlikləri yerinə yetirməyib,” –  o vurğulayıb.

Azərbaycan XİN rəhbəri Ermənistan konstitusiyasından Azərbaycanın ərazi bütövlüyünə zidd müddəaların çıxarılmasının zəruriliyinə diqqət çəkib.

O, həmçinin ATƏT-in Minsk qrupunun fəaliyyətinin artıq aktuallığını itirdiyini və tamamilə dayandırılmalı olduğunu qeyd edib.

Nazir sərhədlərin delimitasiyası, işğaldan azad olunmuş ərazilərdə bərpa işləri, köçkünlərin geri qayıdışı və mina təhlükəsi ilə bağlı məsələlərin də görüş zamanı müzakirə olunduğunu bildirib.

Gülnar