Azərbaycan Güləş Federasiyası (AGF) tərəfindən Füzuli rayonunun 4-cü Qayıdış qəsəbəsində yeni güləş mərkəzi istifadəyə verilib. Layihə çərçivəsində 4 saylı məktəbin idman zalı güləş xalçası, məşq avadanlıqları və digər zəruri idman ləvazimatları ilə təchiz olunub.
AGF-nin sərbəst güləş üzrə koordinatoru, ikiqat olimpiya mükafatçısı Hacı Əliyev mərkəzi ziyarət edib, yeniyetmə güləşçilərlə görüşüb və onlara tövsiyələrini çatdırıb.
Qarabağ Regional Gənclər və İdman İdarəsinin nümayəndəsi Ramiz Quliyev çıxışında Federasiyaya dəstəyə görə təşəkkürünü bildirib. Mərkəzdə hazırda 70 yeniyetmə sərbəst güləşlə məşğul olur, məşqlərə isə təcrübəli məşqçi Vüsal Eminov rəhbərlik edir.
Foto 
Video 
