Zurabişvili Gürcüstanı Azərbaycan və Ermənistandan nümunə götürməyə çağırıb

Gürcüstanın sabiq prezidenti Salome Zurabişvili Gürcastanı ABŞ vasitəçiliyi ilə sülh danışıqları aparan Azərbaycan və Ermənistan liderlərindən nümunə götürməyə və Rusiyanın təsiri altından çıxmağa çağırıb. 

2008-ci il Rusiya ilə müharibənin ildönümü ərəfəsində Muxatgverdi qəbiristanlığını ziyarət edən Zurabişvili müharibənin “bitmədiyini” və bu gün Gürcüstana qarşı “hibrid müharibə” formasında davam etdiyini deyib. Onun sözlərinə görə, Rusiya “Ukraynada hərbi müharibə”, “Gürcüstanda isə hibrid müharibə” aparır.

Sabiq prezident ABŞ prezidenti Donald Trampın 7–8 avqustda Vaşinqtonda Ermənistanın baş naziri Nikol Paşinyan və Azərbaycanın prezidenti İlham Əliyevlə görüşünün region üçün əhəmiyyətini vurğulayıb və Gürcüstanın bu proseslərdə iştirak etməməsinə təəssüfləndiyini bildirib.

N.Təbrizli